அன்றே என் பிறந்தவம்

------அன்றே என் பிறந்தவம்-----

சாதி மதம் ஒழிந்துவிட்டால்
நீதி நிதம் நிலைத்துவிட்டால்
அன்றே என் பிறந்தவம்.

முச்சந்தியில் எச்சிலை பொறுக்கும் முதியவருக்கு 
சமபந்தியில் உணவு சரிசமமாய் கிடைத்துவிட்டால்
அன்றே என் பிறந்தவம்.

வேலை செல்லும் எல்லா குழந்தைகளும்
காலை பள்ளிக்கு சென்றால்
அன்றே என் பிறந்தவம்.

போட்டியில் தோல்வி கண்டவனை பாராட்டி
பேட்டி காணும் நிருபர்கள் வந்துவிட்டால்
அன்றே என் பிறந்தவம்.

பிழைக்க பிச்சையெடுக்கும் கூட்டம்
உழைக்க கற்று கொண்டால்
அன்றே என் பிறந்தவம்.

நித்தம் கழிவு நீரோடைகளை
சுத்தம் செய்யும் கைகளுக்கு
முத்தமிடும் சமூகம் முளைத்துவிடால்
அன்றே என் பிறந்தவம்.

சிறு சிறையில் சிக்கி தவிக்கும் ஜோசிய கிளிகள்
மர கிளையில் சுதந்திரமாய் சுற்றி திரிந்தால்
அன்றே என் பிறந்தவம்.

வீட்டில் வளர்க்கும்  நாய்கள் போலே
ரோட்டில் கிடக்கும் நாய்களின் வயிறும் நிரம்பியிருந்தால்
அன்றே என் பிறந்தவம்.

வழி தடவும் பார்வையற்றோருக்கு
விழி கிடைத்துவிட்டால்
அன்றே என் பிறந்தவம்.

நம்மை தினம் வாழவைக்கும் இறைவன்
இம்மை தனில் அவன் பெயர் உழவன்
இந்த சாசனம் எழுதிவிட்டால்
அன்றே என் பிறந்தவம்.

ஏறும் விலைவாசி குறைந்துவிட்டால்
நானும் மலைவாசியும் 
ஒரு இனமென கலந்துவிட்டால்
அன்றே என் பிறந்தவம்.

என் திருநங்கைகள் உயர உதவுங்கள்
என்றும் அவர்கள் நம் தொப்புள்கொடி உறவுகள்
என்பது எல்லோர் மனதிலும் நின்றுவிட்டால்
அன்றே என் பிறந்தவம்.

நடுங்கும் குளிரில் சாலையோரம் 
உறங்கும் மனிதன்
படுக்க குடிசை கிடைத்துவிட்டால்
அன்றே என் பிறந்தவம்.


நெற்றி காசு போதாது - வெட்டியானுக்கு
வெள்ளி காசு சம்பளமாகிவிட்டால்
அன்றே என் பிறந்தவம்.

எய்ட்ஸ் பாதிக்கப்பட்ட குழந்தைகள்
எமனை வென்றுவிட்டால்
அன்றே என் பிறந்தவம்.

கயிற்றில் நடக்கும்,
சவுக்கால் தன்னைத்தானே அடிக்கும்
பாவ மனிதர் கூட்டம்
பணக்காரர் ஆகிவிட்டால்
அன்றே என் பிறந்தவம்.

செருப்பு தைக்கும் கைகளும்
நெருப்பு வைக்கும் - உடல் 
உறுப்பு  தானம் செய்துவிட்டால்
உன் பெயர் நிலைத்து நிற்கும்.

மனநோய் குழந்தைகளுக்கும்
அனாதை செல்வங்களுக்கும் - நான்
அப்பாவாகும் தகுதி வந்துவிட்டால்
அன்றே என் பிறந்தவம்.

ஆலிகால ஆங்கில விஷம் தவிர்த்துவிட்டால்
அள்ளி அள்ளி தேன்தமிழ்  குடித்துவிட்டால்
அன்றே என் பிறந்தவம்.


(என் பிறந்தநாள் கவிதை)

Comments

Post a Comment

Popular posts from this blog

தமிழரின் ஆறும் நீர்நிலைகளும்

இந்த இதமான மண்ணை , ஆகாயத்தினை எப்படி வாங்கோ விற்கவோ முடியும் ? இது உண்மையில் எங்களிற்கு வியப்பாக உள்ளது. இந்த இதமான காற்றும் , மின்னித்தெறிக்கின்ற நீரும் எங்களிற்கு மட்டும் சொந்தமில்லை. எங்களிற்கு மட்டும் சொந்தமில்லாத ஒன்றை எவ்வாறு நாங்கள் விற்கமுடியும். எமது நிலத்தின் ஒவ்வொரு பகுதியும் எமது மக்களால் புனிதப்படுத்தப்பட்டுள்ளது. இந்த மண் புனிதமானது. எமது முன்னோர்களின் ஒப்புயர்வற்ற தியாகத்தாலும் , உழைப்பாலும் எமக்கு வழங்கப்பட்டது. இங்குள்ள ஆறுகளில் ஓடுகின்ற நீர் வெறும் நீரல்ல எமது முன்னோர்களின் குருதி. நாங்கள் இந்த நிலங்களை உங்களிற்கு (அமெரிக்க வெள்ளையர்களுக்கு) விற்றால் இந்த மண்ணின் புனித தன்மையினை நீங்கள் உங்கள் குழந்தைகளிற்கு கற்பிக்க வேண்டும். இங்கு ஓடுகின்ற ஆறுகளிலுள்ள நீர் எமது முன்னோர்களின் ஞாபகங்களை சுமந்த வண்ணமே செல்கின்றன. இந்த ஓடும் நீரின் ஓசை எமது பாட்டனாரின் குரல். இந்த ஆறுகள் எமது சகோதரர்கள் , இவைகள் எமது தாகத்தினை தீர்கின்றன. இந்த ஆறுகளிலே எமது வள்ளங்கள் சுமக்கப்படுகின்றன. எமது குழந்தைகளிற்கு நீரினை வழங்குவதும் இவைகளே. இப்படிப்பட நிலத்தினை நாங்கள் உங்களிற்கு தந்த...
Read more

தொன்மதுரையின் தொல்குடிகள்:

Image
மனிதகுலம் இன்று பல்வேறு இனங்களாகவும் பல ஆயிரம் தேசிய இனங்களாகவும், பல பத்தாயிரங்களுக்கும் மேற்பட்ட சமூகங்களாகவும் வேறுபாட்டுக்கு காணப்படுகின்றன. இதில் மிக தொன்மையாக விளங்குபவர்கள் பழங்குடி மக்கள். இவர்களின் சமூகங்களும் பண்பாடுகளும் அழிக்கப்பட்டு வருகின்றன. பழங்குடிகள் பெரும்பாலும் அரசு அமைப்பற்ற தனித்த கட்டுக்கோப்பான சமூகம், தனித்த மொழி , பண்பாடு, வாழிடம், வாழ்க்கை  முறை, சமயம் போன்றவற்றை கொண்ட ஒரு குடியாக இருப்பதை காண முடியும். மனித குலத்தின் தொல் சமூக பண்பாட்டில் பல படி நிலை வளர்ச்சிகளை அறிவதற்கு இன்று சான்றாக விளங்குபவர்கள் பழங்குடிகளே. மனிதகுலம் அடைய விரும்பும் மிக உயர்ந்த சமூக விழுமியங்களும் மேலைச் சமூகத்தார் வளர்த்துக் கொண்டதாக எண்ணும் விழுமியங்களும் இந்தியாவில் பழங்குடிகளிடம் பெரிதும் காணப்படுகின்றன. சாதி படிநிலையற்ற சமூகம், ஆண்-பெண் பாலின உறவில் சமத்துவம், ஆணாதிக்கம் குறைந்த சமூக வாழ்வு, காதலித்தோ, விரும்பியோ திருமணம் செய்து கொள்ளுதல், தனிமனித சுதந்திரம், தன்னியல்பு போக்கும் மிகுதியாக கொண்டிருத்தல் போன்ற பல உகந்த கூறுகள் பழங்குடிகளின் பண்பாட்டில் வளர்ந்துள்ளன. இந்த...
Read more

திருப்பரங்குன்றம் சத்தியகிரி மலையா? சிக்கந்தர் மலையா?

Image
திருப்பரங்குன்றம் மலை:       மதுரை மாவட்டம் திருப்பரங்குன்றம் ஊராட்சி ஒன்றியம் பகுதியில் அமைந்துள்ளது திருப்பரங்குன்றம் மலை. சுமார் 170 ஏக்கர் பரப்பளவும் 3 கி.மீ சுற்றளவும், 1050 அடி உயரமும் கொண்ட அனற்பாறைகளிலான (Igneous Rock) குன்றாகும். அட்சரேகை, தீர்க்கரேகை 9.877188, 78.069965 என்கிற குறியீட்டு அச்சுதூராங்களில்  மதுரை நகரில் இருந்து சுமார் கி.மீ தொலைவில் அமைந்துள்ளது திருப்பரங்குன்றம்   மலை.  திருப்பரங்குன்றம் மலையின் வடக்குப்புறத்தில் தென்கால் கண்மாய், வடகிழக்கில் திருக்கூடல் மலை, கிழக்கில் தியாகர்யார் பள்ளி வளாகம், மேற்கில் திருப்பரங்குன்றம் ரயில் நிலையம், தென்மேற்கில் பானாங்குளம், தெற்கில் செவ்வந்திக்குளம், ஆரியங்குளம்  கண்மாய், பறையன்மலை ஆகியவை எல்லைகளாக அமைந்துள்ளன. பரம் என்றால் உயர்ந்தது. குன்றம் என்றால் மலை. உயர்ந்தமலை என்னும் பொருளில் திருப்பரங்குன்றம் என்று பெயர் பெற்று இருக்கலாம். புராணங்கள் இம்மலைக்கான வெவ்வேறு காரணங்களை முன் வைக்கின்றனர். முருகப் பெருமானின் படை வீடுகளுள் முதற்படை வீடாக விளங்குவது திருப்பரங்குன்றம...
Read more