--- கன்னியின் காதல் வலி ---

‎--- கன்னியின் காதல் வலி --- 

எனக்கு கோவில் கட்டி கொண்டாட 
எண்ணிய உன்னை 
சாரயாக்கடை வாசலில் 
சந்திக்க நேருகிறது.

நீ நாற்பதை கடந்த செய்தி 
நரைத்த முடி நவில்கிறது.

என்னை நீ
மறக்கமுடியாமல் திணறுவதை 
மதுவருந்திய உன் 
முக சுருக்கங்கள் 
மடை திறக்கிறது.

ஒரு அட்டைப்பூச்சியாக 
நம் பருவ காதல் 
உன் உயிர் உறிஞ்சுவதை 
உணர முடிகிறது.

செழித்த தாடி சொல்கிறது 
உன் ஒவ்வொரு செல்களிலும் 
என் நினைவுகள் 
செரிக்காமல் இருப்பதை.

உன் அழுக்கு சட்டை 
அடித்து சொல்கிறது 
என் திருமனத்திற்கு பின் 
உன் சுப வாழ்க்கை 
சுழலாமல் 
நொண்டியடித்து கொண்டிருப்பதை...

விழிநீர் 
வழித்தடங்கள் 
உப்பு படிந்த 
அந்த வெள்ளை கோடுகள் 
உன் கண்ணீர் பஞ்ச 
கதை பேசுகிறது.

பட்டாம்பூச்சிப் போல் 
உன் இட மார்பில் 
படுத்திருக்கும் 
பச்சைகுத்திய என் பெயர் 
நீ திருமணம் செய்து கொள்ளாததை 
நிச்சியமாக நிரூபித்து கொள்கிறது.

உன் பிரிவுக்கு பின் 
பிளக்காத பாறையாகிப்போன 
என் இதயம் 
இப்போது 
பாதரச கண்ணாடியாக 
உடைந்து நொறுங்குகிறது...

சருகாக கண்களிலிருந்து 
சறுக்கி கண்ணீர் 
விழுகிறது.

ஏமாற்றுக்காரி என்ற பட்டம் 
எனக்கு நீ தந்த 
காதல் கௌரவம்.

உன் தற்கொலையை கூட 
நீயே தீர்மானிக்கிற போது 

என் தலையெழுத்தை
யார் யாரோ 
எழுதி வைத்திருகிறார்கள்.

நீ மதுபானம் அருந்தி
காதலை 
மறக்க துடித்த போது

உன் நினைவுகள் 
கரும்புசாறு எந்திரம் போல் 
உயிர் பிழிய 
சக்கையாகி கொண்டிருந்தேன்.

விண்வெளிக்கு போக 
உன் கால்களின் 
விருப்பத்திற்கே விடபடுகிறது.

சிறைகளுக்குள்தான் 
ஒரு பெண்ணின் சிறகு 
வளர்க்கபடுகிறது...

அன்பே!
உனக்கும் எனக்கும் 
உள்ள வித்தியாசம். 
உனக்கு தாடி முளைத்திருக்கிறது.
எனக்கு தாலி ஏறியிருக்கிறது.

காதல் பிரிவு 
உன்னைப் போல் எனக்கும் 
மரண வலி தருகிற 
மையான உணர்வுதான்....

---தமிழ்தாசன்--- 

Comments

Post a Comment

Popular posts from this blog

தமிழரின் ஆறும் நீர்நிலைகளும்

இந்த இதமான மண்ணை , ஆகாயத்தினை எப்படி வாங்கோ விற்கவோ முடியும் ? இது உண்மையில் எங்களிற்கு வியப்பாக உள்ளது. இந்த இதமான காற்றும் , மின்னித்தெறிக்கின்ற நீரும் எங்களிற்கு மட்டும் சொந்தமில்லை. எங்களிற்கு மட்டும் சொந்தமில்லாத ஒன்றை எவ்வாறு நாங்கள் விற்கமுடியும். எமது நிலத்தின் ஒவ்வொரு பகுதியும் எமது மக்களால் புனிதப்படுத்தப்பட்டுள்ளது. இந்த மண் புனிதமானது. எமது முன்னோர்களின் ஒப்புயர்வற்ற தியாகத்தாலும் , உழைப்பாலும் எமக்கு வழங்கப்பட்டது. இங்குள்ள ஆறுகளில் ஓடுகின்ற நீர் வெறும் நீரல்ல எமது முன்னோர்களின் குருதி. நாங்கள் இந்த நிலங்களை உங்களிற்கு (அமெரிக்க வெள்ளையர்களுக்கு) விற்றால் இந்த மண்ணின் புனித தன்மையினை நீங்கள் உங்கள் குழந்தைகளிற்கு கற்பிக்க வேண்டும். இங்கு ஓடுகின்ற ஆறுகளிலுள்ள நீர் எமது முன்னோர்களின் ஞாபகங்களை சுமந்த வண்ணமே செல்கின்றன. இந்த ஓடும் நீரின் ஓசை எமது பாட்டனாரின் குரல். இந்த ஆறுகள் எமது சகோதரர்கள் , இவைகள் எமது தாகத்தினை தீர்கின்றன. இந்த ஆறுகளிலே எமது வள்ளங்கள் சுமக்கப்படுகின்றன. எமது குழந்தைகளிற்கு நீரினை வழங்குவதும் இவைகளே. இப்படிப்பட நிலத்தினை நாங்கள் உங்களிற்கு தந்த...
Read more

தொன்மதுரையின் தொல்குடிகள்:

Image
மனிதகுலம் இன்று பல்வேறு இனங்களாகவும் பல ஆயிரம் தேசிய இனங்களாகவும், பல பத்தாயிரங்களுக்கும் மேற்பட்ட சமூகங்களாகவும் வேறுபாட்டுக்கு காணப்படுகின்றன. இதில் மிக தொன்மையாக விளங்குபவர்கள் பழங்குடி மக்கள். இவர்களின் சமூகங்களும் பண்பாடுகளும் அழிக்கப்பட்டு வருகின்றன. பழங்குடிகள் பெரும்பாலும் அரசு அமைப்பற்ற தனித்த கட்டுக்கோப்பான சமூகம், தனித்த மொழி , பண்பாடு, வாழிடம், வாழ்க்கை  முறை, சமயம் போன்றவற்றை கொண்ட ஒரு குடியாக இருப்பதை காண முடியும். மனித குலத்தின் தொல் சமூக பண்பாட்டில் பல படி நிலை வளர்ச்சிகளை அறிவதற்கு இன்று சான்றாக விளங்குபவர்கள் பழங்குடிகளே. மனிதகுலம் அடைய விரும்பும் மிக உயர்ந்த சமூக விழுமியங்களும் மேலைச் சமூகத்தார் வளர்த்துக் கொண்டதாக எண்ணும் விழுமியங்களும் இந்தியாவில் பழங்குடிகளிடம் பெரிதும் காணப்படுகின்றன. சாதி படிநிலையற்ற சமூகம், ஆண்-பெண் பாலின உறவில் சமத்துவம், ஆணாதிக்கம் குறைந்த சமூக வாழ்வு, காதலித்தோ, விரும்பியோ திருமணம் செய்து கொள்ளுதல், தனிமனித சுதந்திரம், தன்னியல்பு போக்கும் மிகுதியாக கொண்டிருத்தல் போன்ற பல உகந்த கூறுகள் பழங்குடிகளின் பண்பாட்டில் வளர்ந்துள்ளன. இந்த...
Read more

திருப்பரங்குன்றம் சத்தியகிரி மலையா? சிக்கந்தர் மலையா?

Image
திருப்பரங்குன்றம் மலை:       மதுரை மாவட்டம் திருப்பரங்குன்றம் ஊராட்சி ஒன்றியம் பகுதியில் அமைந்துள்ளது திருப்பரங்குன்றம் மலை. சுமார் 170 ஏக்கர் பரப்பளவும் 3 கி.மீ சுற்றளவும், 1050 அடி உயரமும் கொண்ட அனற்பாறைகளிலான (Igneous Rock) குன்றாகும். அட்சரேகை, தீர்க்கரேகை 9.877188, 78.069965 என்கிற குறியீட்டு அச்சுதூராங்களில்  மதுரை நகரில் இருந்து சுமார் கி.மீ தொலைவில் அமைந்துள்ளது திருப்பரங்குன்றம்   மலை.  திருப்பரங்குன்றம் மலையின் வடக்குப்புறத்தில் தென்கால் கண்மாய், வடகிழக்கில் திருக்கூடல் மலை, கிழக்கில் தியாகர்யார் பள்ளி வளாகம், மேற்கில் திருப்பரங்குன்றம் ரயில் நிலையம், தென்மேற்கில் பானாங்குளம், தெற்கில் செவ்வந்திக்குளம், ஆரியங்குளம்  கண்மாய், பறையன்மலை ஆகியவை எல்லைகளாக அமைந்துள்ளன. பரம் என்றால் உயர்ந்தது. குன்றம் என்றால் மலை. உயர்ந்தமலை என்னும் பொருளில் திருப்பரங்குன்றம் என்று பெயர் பெற்று இருக்கலாம். புராணங்கள் இம்மலைக்கான வெவ்வேறு காரணங்களை முன் வைக்கின்றனர். முருகப் பெருமானின் படை வீடுகளுள் முதற்படை வீடாக விளங்குவது திருப்பரங்குன்றம...
Read more