பொழுதிருந்தால் போராடு

நிலமீது எதுவும் சரியில்லை
நிகழ்வதெல்லாம் இங்கே தவறென்று
கோபம் கொள்ளும்
கொள்கையுடைய தோழர்களே !

மாற்று வழி குறித்து
... சிந்தித்ததுண்டா?
திருத்தியமைக்க நீங்கள்
தீர்மானித்தீர்களா?
பூமியை புரட்டிபோட
புறப்பட்டீர்களா?

போராட்டத்தின் புதிய வடிவத்தை
செதுக்கி கொடுக்காமல்
உண்ணாவிரதம் உடன்பாடில்லை
அறப்போராட்டம் அலுத்துவிட்டது என்று
அரசியல் பேசாதே....

நீ என்ன செய்துவிட்டாய் ?
வீட்டுக்குள் அமர்ந்து
விமர்சிப்பதை தவிர....

உன்னால் என்ன செய்ய முடியாது ?

பூமியை புரட்டி போட !
வானத்தை இழுத்து போட !

சிரிக்காதே தோழா
எதுகை மோனைக்காக
எழுதிவிட்டேன்...
எதார்த்தம் சொல்கிறேன் கேள்..

கூலி வேலைக்கு போகும்
குழந்தைகள் நிறுத்தி
வாரம் ஒரு நாள்
வகுப்பெடு....

பாடத்திட்டத்தை கற்றுகொடுக்க
பள்ளிகூடமிருக்கு
ஆகையால்
அறியப்படதா உண்மைகளை
அவர்களுக்கு அறிமுகப்படுத்து....

மலைவாசிகளுக்கு
மார்க்சியம் சொல்லிக்கொடு
விவசாயிகளுக்கு விஞ்ஞான
விபரங்கள் கற்றுகொடு...

உணவகத்தில்
உண்டமிச்சம் இருந்தால்
உடனே பொட்டலம் கட்டு...
வழியில்
உன் வருகைக்காக
வறுமையில் ஒருவர் காத்திருப்பார்.

வாழைப்பழம் தின்று
தோலை தூக்கியெறிந்து விடாதே....
காகிதத்தை மேய்ந்து கொண்டிருக்கும்
அனாதை பசுக்களுக்கு
அன்பளி....

கிராமபுறங்கள் சென்று
புரியும்படி தொழில் நுட்பம் பேசு..

அனாதை விடுதிகளுக்கு
சோறு இலவசங்களோடு செல்லாதே
சொந்த காலில் நிற்பது பற்றி
சொல்லி கொடு..

நம்மில் ஒருவனை
தலித்தென்று செய்தி வெளியிட
அனுமதிக்காதே...
அவன் என்
உடன்பிறப்பென்று உத்தரவிடு....

மனிதநேயம் மட்டும் போதாது
நண்பா.....
குருவி இனம் அழிகிறது
குரல் கொடு....

பரிணாமத்தில்
மரம் நம் மாதா
அவளை வெட்டுகிறான்
மறியல் நடத்து...

மகள் மகன் போல
மரம் வளர்த்தெடு....

அநீதிக்கு எதிராக
அணிதிரட்டு..
யாரும் வரவில்லையா...?
தனியொருவனாக தர்ணா இரு...
உண்மையிருந்தால்
உலகம் உன் பின் திரளும்...

பொங்கி எழுத்தால்
பொழுது இருந்தால்
வா போராட....

கோபத்தை
செய்யுள் ஆக்காதே
செயலாக்கு...

தாயின் மரணத்தால் - கண்ணீர்
தழும்ப தழும்ப
அழும்
என் தோழா...

கொஞ்சம் எழுந்து நில்...

ஆதரவற்று கிடக்கும்
அத்தனை தாய்மாருக்கும்
இனி
நீதான் மகன்....

வாடா போகலாம்
போராட......


----- தமிழ்தாசன் -----

Comments

Post a Comment

Popular posts from this blog

தமிழரின் ஆறும் நீர்நிலைகளும்

இந்த இதமான மண்ணை , ஆகாயத்தினை எப்படி வாங்கோ விற்கவோ முடியும் ? இது உண்மையில் எங்களிற்கு வியப்பாக உள்ளது. இந்த இதமான காற்றும் , மின்னித்தெறிக்கின்ற நீரும் எங்களிற்கு மட்டும் சொந்தமில்லை. எங்களிற்கு மட்டும் சொந்தமில்லாத ஒன்றை எவ்வாறு நாங்கள் விற்கமுடியும். எமது நிலத்தின் ஒவ்வொரு பகுதியும் எமது மக்களால் புனிதப்படுத்தப்பட்டுள்ளது. இந்த மண் புனிதமானது. எமது முன்னோர்களின் ஒப்புயர்வற்ற தியாகத்தாலும் , உழைப்பாலும் எமக்கு வழங்கப்பட்டது. இங்குள்ள ஆறுகளில் ஓடுகின்ற நீர் வெறும் நீரல்ல எமது முன்னோர்களின் குருதி. நாங்கள் இந்த நிலங்களை உங்களிற்கு (அமெரிக்க வெள்ளையர்களுக்கு) விற்றால் இந்த மண்ணின் புனித தன்மையினை நீங்கள் உங்கள் குழந்தைகளிற்கு கற்பிக்க வேண்டும். இங்கு ஓடுகின்ற ஆறுகளிலுள்ள நீர் எமது முன்னோர்களின் ஞாபகங்களை சுமந்த வண்ணமே செல்கின்றன. இந்த ஓடும் நீரின் ஓசை எமது பாட்டனாரின் குரல். இந்த ஆறுகள் எமது சகோதரர்கள் , இவைகள் எமது தாகத்தினை தீர்கின்றன. இந்த ஆறுகளிலே எமது வள்ளங்கள் சுமக்கப்படுகின்றன. எமது குழந்தைகளிற்கு நீரினை வழங்குவதும் இவைகளே. இப்படிப்பட நிலத்தினை நாங்கள் உங்களிற்கு தந்த...
Read more

தொன்மதுரையின் தொல்குடிகள்:

Image
மனிதகுலம் இன்று பல்வேறு இனங்களாகவும் பல ஆயிரம் தேசிய இனங்களாகவும், பல பத்தாயிரங்களுக்கும் மேற்பட்ட சமூகங்களாகவும் வேறுபாட்டுக்கு காணப்படுகின்றன. இதில் மிக தொன்மையாக விளங்குபவர்கள் பழங்குடி மக்கள். இவர்களின் சமூகங்களும் பண்பாடுகளும் அழிக்கப்பட்டு வருகின்றன. பழங்குடிகள் பெரும்பாலும் அரசு அமைப்பற்ற தனித்த கட்டுக்கோப்பான சமூகம், தனித்த மொழி , பண்பாடு, வாழிடம், வாழ்க்கை  முறை, சமயம் போன்றவற்றை கொண்ட ஒரு குடியாக இருப்பதை காண முடியும். மனித குலத்தின் தொல் சமூக பண்பாட்டில் பல படி நிலை வளர்ச்சிகளை அறிவதற்கு இன்று சான்றாக விளங்குபவர்கள் பழங்குடிகளே. மனிதகுலம் அடைய விரும்பும் மிக உயர்ந்த சமூக விழுமியங்களும் மேலைச் சமூகத்தார் வளர்த்துக் கொண்டதாக எண்ணும் விழுமியங்களும் இந்தியாவில் பழங்குடிகளிடம் பெரிதும் காணப்படுகின்றன. சாதி படிநிலையற்ற சமூகம், ஆண்-பெண் பாலின உறவில் சமத்துவம், ஆணாதிக்கம் குறைந்த சமூக வாழ்வு, காதலித்தோ, விரும்பியோ திருமணம் செய்து கொள்ளுதல், தனிமனித சுதந்திரம், தன்னியல்பு போக்கும் மிகுதியாக கொண்டிருத்தல் போன்ற பல உகந்த கூறுகள் பழங்குடிகளின் பண்பாட்டில் வளர்ந்துள்ளன. இந்த...
Read more

திருப்பரங்குன்றம் சத்தியகிரி மலையா? சிக்கந்தர் மலையா?

Image
திருப்பரங்குன்றம் மலை:       மதுரை மாவட்டம் திருப்பரங்குன்றம் ஊராட்சி ஒன்றியம் பகுதியில் அமைந்துள்ளது திருப்பரங்குன்றம் மலை. சுமார் 170 ஏக்கர் பரப்பளவும் 3 கி.மீ சுற்றளவும், 1050 அடி உயரமும் கொண்ட அனற்பாறைகளிலான (Igneous Rock) குன்றாகும். அட்சரேகை, தீர்க்கரேகை 9.877188, 78.069965 என்கிற குறியீட்டு அச்சுதூராங்களில்  மதுரை நகரில் இருந்து சுமார் கி.மீ தொலைவில் அமைந்துள்ளது திருப்பரங்குன்றம்   மலை.  திருப்பரங்குன்றம் மலையின் வடக்குப்புறத்தில் தென்கால் கண்மாய், வடகிழக்கில் திருக்கூடல் மலை, கிழக்கில் தியாகர்யார் பள்ளி வளாகம், மேற்கில் திருப்பரங்குன்றம் ரயில் நிலையம், தென்மேற்கில் பானாங்குளம், தெற்கில் செவ்வந்திக்குளம், ஆரியங்குளம்  கண்மாய், பறையன்மலை ஆகியவை எல்லைகளாக அமைந்துள்ளன. பரம் என்றால் உயர்ந்தது. குன்றம் என்றால் மலை. உயர்ந்தமலை என்னும் பொருளில் திருப்பரங்குன்றம் என்று பெயர் பெற்று இருக்கலாம். புராணங்கள் இம்மலைக்கான வெவ்வேறு காரணங்களை முன் வைக்கின்றனர். முருகப் பெருமானின் படை வீடுகளுள் முதற்படை வீடாக விளங்குவது திருப்பரங்குன்றம...
Read more