மதுரை நகருக்குள் இருந்த பழைய சுங்கச்சாவடி

 மதுரை வைகையாற்றங்கரையில் சுங்கச்சாவடி தொடர்பான கல்வெட்டு ஆவணம் செய்யப்பட்டது




வைகையின் தென்கரையில் மதுரை நெல்பேட்டை அருகே சுங்கம் பள்ளிவாசல் முன்புறம் இரண்டடி உயரம் ஒரு அடி நீளம் அரை அடி அகலம் கொண்ட செவ்வக தனி துண்டு கல்லில் ஐந்து வரிகளில் கொண்ட கல்வெட்டு கண்டறியப்பட்டது. ''சுங்கச்சாவடி சந்து வெளிவீதி 1836" என்று அக்கல்வெட்டில் பொறிக்கப்பட்டுள்ளது. இதன் வழியாக இப்பகுதியில் 200 ஆண்டுகளுக்கு முன்புவரை சுங்கச்சாவடி ஒன்று இயங்கி வந்தது என்பதை அறிந்து கொள்ள முடிகிறது. இப்பகுதியில் அமைந்த பள்ளிவாசல் சுங்கம் பள்ளிவாசல் என்று அழைக்கப்பட்டது. வைகையின் வடகரையில் கள்ளழகர் ஆற்றில் இறங்கும் இடத்திற்கு நேர் எதிரே இந்த சுங்கச்சாவடி இருந்தது என்பது குறிப்பிடத்தக்கது.

வைகையாற்றின் வடகரையில் திண்டுக்கல் மாவட்ட குன்னுவாரன்கோட்டை வணிக பெருவழியில் சுங்கவரி வசூல் மையம் இருந்துள்ளதை அங்கிருக்கும் சிவன் கோயிலில் காணப்படும் கிபி 13ஆம் நூற்றாண்டு கல்வெட்டு தெரிவிக்கிறது. அதில் ஒரு புது காசு சிவன் கோயிலுக்கும் அரை காசு பெருமாள் கோயிலுக்கும் கொடுத்துள்ளதாக அங்கு இருக்கும் கல்வெட்டு தெரிவிக்கிறது.



சுங்கம் பள்ளிவாசல் தலைவர் திரு. ராஜ்கபூர் அவர்கள் கொடுத்த தகவலின் அடிப்படையில் கடந்த 02.04.2025 அன்று காலை கோயில் கட்டடக்கலை மற்றும் சிற்பத்துறை ஆய்வாளர் பேரா தேவி அறிவு செல்வம், மதுரை இயற்கை பண்பாட்டு அறக்கட்டளை ஒருங்கிணைப்பாளர் தமிழ்தாசன் ஆய்வு செய்தனர். இக்கல்வெட்டை பாண்டிய நாட்டு வரலாற்று ஆய்வு மையத்தின் ஆய்வாளர்கள் திரு. ரா.உதயகுமார் மற்றும் தி.முத்துப்பாண்டி ஆகியோர் இக்கல்வெட்டைப் மைப்படி எடுத்தனர். இவ்வாய்வு மையத்தின் செயலர் தொல்லியல் அறிஞர் திரு. சாந்தலிங்கம் இக்கல்வெட்டைப் படித்து அறிய உதவினார்.

மதுரை நெல்பேட்டை சுங்கம் கல்வெட்டு விவரம்:

1. சுங்கச் சா
2. வடிச் சந்து
3. வெளிவீதி
4. .........௲௮ள
5. ௩ய௬ (1836)



மதுரை இயற்கை பண்பாட்டு அறக்கட்டளை (MNCF)

Comments

Post a Comment

Popular posts from this blog

தமிழரின் ஆறும் நீர்நிலைகளும்

இந்த இதமான மண்ணை , ஆகாயத்தினை எப்படி வாங்கோ விற்கவோ முடியும் ? இது உண்மையில் எங்களிற்கு வியப்பாக உள்ளது. இந்த இதமான காற்றும் , மின்னித்தெறிக்கின்ற நீரும் எங்களிற்கு மட்டும் சொந்தமில்லை. எங்களிற்கு மட்டும் சொந்தமில்லாத ஒன்றை எவ்வாறு நாங்கள் விற்கமுடியும். எமது நிலத்தின் ஒவ்வொரு பகுதியும் எமது மக்களால் புனிதப்படுத்தப்பட்டுள்ளது. இந்த மண் புனிதமானது. எமது முன்னோர்களின் ஒப்புயர்வற்ற தியாகத்தாலும் , உழைப்பாலும் எமக்கு வழங்கப்பட்டது. இங்குள்ள ஆறுகளில் ஓடுகின்ற நீர் வெறும் நீரல்ல எமது முன்னோர்களின் குருதி. நாங்கள் இந்த நிலங்களை உங்களிற்கு (அமெரிக்க வெள்ளையர்களுக்கு) விற்றால் இந்த மண்ணின் புனித தன்மையினை நீங்கள் உங்கள் குழந்தைகளிற்கு கற்பிக்க வேண்டும். இங்கு ஓடுகின்ற ஆறுகளிலுள்ள நீர் எமது முன்னோர்களின் ஞாபகங்களை சுமந்த வண்ணமே செல்கின்றன. இந்த ஓடும் நீரின் ஓசை எமது பாட்டனாரின் குரல். இந்த ஆறுகள் எமது சகோதரர்கள் , இவைகள் எமது தாகத்தினை தீர்கின்றன. இந்த ஆறுகளிலே எமது வள்ளங்கள் சுமக்கப்படுகின்றன. எமது குழந்தைகளிற்கு நீரினை வழங்குவதும் இவைகளே. இப்படிப்பட நிலத்தினை நாங்கள் உங்களிற்கு தந்த...
Read more

தொன்மதுரையின் தொல்குடிகள்:

Image
மனிதகுலம் இன்று பல்வேறு இனங்களாகவும் பல ஆயிரம் தேசிய இனங்களாகவும், பல பத்தாயிரங்களுக்கும் மேற்பட்ட சமூகங்களாகவும் வேறுபாட்டுக்கு காணப்படுகின்றன. இதில் மிக தொன்மையாக விளங்குபவர்கள் பழங்குடி மக்கள். இவர்களின் சமூகங்களும் பண்பாடுகளும் அழிக்கப்பட்டு வருகின்றன. பழங்குடிகள் பெரும்பாலும் அரசு அமைப்பற்ற தனித்த கட்டுக்கோப்பான சமூகம், தனித்த மொழி , பண்பாடு, வாழிடம், வாழ்க்கை  முறை, சமயம் போன்றவற்றை கொண்ட ஒரு குடியாக இருப்பதை காண முடியும். மனித குலத்தின் தொல் சமூக பண்பாட்டில் பல படி நிலை வளர்ச்சிகளை அறிவதற்கு இன்று சான்றாக விளங்குபவர்கள் பழங்குடிகளே. மனிதகுலம் அடைய விரும்பும் மிக உயர்ந்த சமூக விழுமியங்களும் மேலைச் சமூகத்தார் வளர்த்துக் கொண்டதாக எண்ணும் விழுமியங்களும் இந்தியாவில் பழங்குடிகளிடம் பெரிதும் காணப்படுகின்றன. சாதி படிநிலையற்ற சமூகம், ஆண்-பெண் பாலின உறவில் சமத்துவம், ஆணாதிக்கம் குறைந்த சமூக வாழ்வு, காதலித்தோ, விரும்பியோ திருமணம் செய்து கொள்ளுதல், தனிமனித சுதந்திரம், தன்னியல்பு போக்கும் மிகுதியாக கொண்டிருத்தல் போன்ற பல உகந்த கூறுகள் பழங்குடிகளின் பண்பாட்டில் வளர்ந்துள்ளன. இந்த...
Read more

திருப்பரங்குன்றம் சத்தியகிரி மலையா? சிக்கந்தர் மலையா?

Image
திருப்பரங்குன்றம் மலை:       மதுரை மாவட்டம் திருப்பரங்குன்றம் ஊராட்சி ஒன்றியம் பகுதியில் அமைந்துள்ளது திருப்பரங்குன்றம் மலை. சுமார் 170 ஏக்கர் பரப்பளவும் 3 கி.மீ சுற்றளவும், 1050 அடி உயரமும் கொண்ட அனற்பாறைகளிலான (Igneous Rock) குன்றாகும். அட்சரேகை, தீர்க்கரேகை 9.877188, 78.069965 என்கிற குறியீட்டு அச்சுதூராங்களில்  மதுரை நகரில் இருந்து சுமார் கி.மீ தொலைவில் அமைந்துள்ளது திருப்பரங்குன்றம்   மலை.  திருப்பரங்குன்றம் மலையின் வடக்குப்புறத்தில் தென்கால் கண்மாய், வடகிழக்கில் திருக்கூடல் மலை, கிழக்கில் தியாகர்யார் பள்ளி வளாகம், மேற்கில் திருப்பரங்குன்றம் ரயில் நிலையம், தென்மேற்கில் பானாங்குளம், தெற்கில் செவ்வந்திக்குளம், ஆரியங்குளம்  கண்மாய், பறையன்மலை ஆகியவை எல்லைகளாக அமைந்துள்ளன. பரம் என்றால் உயர்ந்தது. குன்றம் என்றால் மலை. உயர்ந்தமலை என்னும் பொருளில் திருப்பரங்குன்றம் என்று பெயர் பெற்று இருக்கலாம். புராணங்கள் இம்மலைக்கான வெவ்வேறு காரணங்களை முன் வைக்கின்றனர். முருகப் பெருமானின் படை வீடுகளுள் முதற்படை வீடாக விளங்குவது திருப்பரங்குன்றம...
Read more